Rayon İcra Hakimiyyətinin başçısı yanında Operativ Qərargahın karantin rejimilə əlaqədar icra nümayəndələri ilə videokonfrans keçirilib
Rayon icra Hakimiyyətinin başçısının sədrlik etdiyi videokonfransda rayonun hüquq, mühafizə orqanlarının rəhbərləri, şəhər və kənd inzibati ərazi dairəsi üzrə nümayəndələri, bələdiyyə və dini icma sədrləri iştirak ediblər.
Videokonfrasnda rayon üzrə karantin qaydalarına əməl olunmasına nəzarətin vəziyyəti müzakirə olunmuş, nöqsanlar qeyd edilmiş və onların aradan qaldırılması haqda müzakirələr edilmişdir.
Məhərrəmlik ayı ərəfəsində xüsusən aşura qabağı və həmin gün karantin rejimi qaydalarına əməl olunması ciddi tapşırıldı. Bu məsələ ilə bağlı videkonfransa dəvət olunan məscidlərin axundları yerli nümayəndələrinə öz tapşırıq və tövsiyyələrini verdilər. Kənd icra nümayəndələrinə, yerli bələdiyyə sədrlərinə mobil qruplarla birgə bir daha ərazidə ciddi nəzarət tədbirləri həyata keçirmələri tapşırıldı.
Qərargahın sədri mobil qruplar tərəfindən vətəndaşlara şəxsi gigiyena qaydalarına əməl etməyə, digər şəxslərlə minimum kontaktda olmağa, ünsiyyət zamanı iki metrlik ara məsafəsi saxlamağa və Nazirlər Kabineti yanında Operativ Qərargahın bütün tələb və tövsiyələrinə ciddi şəkildə riayət etmələri barədə maarifləndirmə tədbirlərinin gücləndirilməsini bir daha diqqətə çatdırıraraq, toy, yas, hərbi xidmətə gedən və gələnlərlə bağlı yığıncaqların təşkil edilməməsi bir daha tapşırıldı.
İcra başçısı yeni inşa olunan uşaq bağçalarında aparılan tikinti işləri ilə maraqlanıb
Rayon İcra Hakimiyyətinin başçısı Göyçay şəhərində 3 və 4 saylı, Çayarxı kəndində yeni inşa olunan uşaq bağçalarında aparılan tikinti işləri ilə maraqlanıb.
Heydər Əliyev Fondunun təşəbbüsü və maliyyə dəstəyi ilə inşa olunan məktəbəqədər tədris müəssisinin tikintisinə 2019-cu ilin sonlarında başlanılıb. Şəhərin Nizami küçəsində inşa edilən 3 nömrəli uşaq bağçanın tikintisi başa çatdırılıb. Atatürk küçəsində və Çayarxı kəndində tikilən uşaq bağçalarında müasir standartlara uyğun yataq, oyun, tədris, mətbəx otaqları olacaqdır.
Həmçinin bağçaların ərazisində uşaqların əylənmələri üçün oyun meydançaları və müxtəlif qurğular quraşdırılacaq. Müəssisə yeni inventar və texniki vasitələrlə təmin olunacaq.
Tikinti işləri davam edən uşaq bağçalarının da yaxın vaxtlarda istifadəyə verilməsi nəzərdə tutulur.
Rayon rəhbərliyi Şəhadət kəndində qismən dağılmış körpüyə baxış keçirmişdir
Rayon İcra Hakimiyyətinin başçısı Şəhadət kənd əhalisinin bir qrup sakinlərinin müraciətini nəzərə alaraq kəndin ərazisində qəzalı vəziyyətdə olan körpüyə baxış keçirmişdir
Kəndin 15-ə yaxın ailəsinin istifadə etdiyi körpü 80-ci illərdə sadə konstruksiyalardan inşa edilməklə sel sularını ötürən kanalın üzərində kolxoz vəsaiti hesabına tikilmiş və uzun müddət istismar olunduğu üçün qismən dağılmışdır.
Rayon İcra Hakimiyyətinin başçısı körpünün təmir olunmasının vacibliyini bildirərək müvafiq tapşırıqlar vermiş və artıq təmirlə bağlı hazırlıq işlərinə başlanılmışdır.
Son illər ölkənin əksər rayonlarının sürətlə inkişaf etdiyi və abadlaşdığını görmək mümkündür. Bu sırada aparıcı yerlərdən birini Göyçay tutur. Qeyd edək ki, Göyçay son bir neçə ildə tikinti meydançasına çevrilib. Hər tərəfdən tikinti, abadlıq və quruculuq işlərinin aparılması isə camaatın ürəyincədir. Bundan əlavə rayonda sosial problemlərin həlli, işsizliyin aradan qaldırılması və digər bu kimi hallara da xüsusi diqqət yetirilir və önəm verilir. Bildirək ki, faktiki vəziyyətin yaranmasının başlıca səbəbkarı rayonun icra başçısı Mehdi Səlimzadənin gərgin əməyinin nəticəsidir. Belə ki, Mehdi Səlimzadə Göyçaya rəhbər təyin olunan ilk gündən qollarını çırmayaraq, harada problem varsa, onun aradan qaldırılmasına başlayıb. Qısa müddətdə şəhərin görkəminin dəyişdirilməsi, yeni parkaların salınması, küçələrin genişləndirilməsi və abadlaşmasını təmin edən icra başçısı, bununla kifayətlənmək fikrində deyil. Çünki Göyçayda görüləcək işlər çoxdur. Həm də göyçaylılar üçün görüləcək işlər həddindən artıq çoxdur. Mehdi Səlimzadə əhaliylə xoş münasibəti, onların şikayətlərini dinləmək üçün həmişə can atması, onların ehtiramını saxlaması, problemlərini həll etmək üçün lazım olan bütün addımları atması hamı tərəfindən təqdir olunur, alqışlanır. Elə rayon sakinləri də yaranmış vəziyyətdən məmnundurlar. Onlar deyirlər ki, bir zamanlar Göyçay yalnız özünün təsərrüfatı ilə məşhur idisə, indi gözəlliyi, ilə ad çıxarmağa başlayıb.
.JPG)
