BakuXeber.info

Qəbələdə xüsusi karantin rejiminin tələblərinə ciddi riayət olunması ilə bağlı maarifləndirmə işləri davam etdirilir

Qəbələdə karantin rejimi ilə əlaqədar müəyyən edilmiş qaydalara əməl olunması vəziyyətini öyrənmək və lazımi tədbir görmək üçün reydlər davam etdirilmişdir. Rayonda fəaliyyət göstərən mobil qruplar ictimai iaşə, ticarət və digər obyektlərdə müəyyən edilmiş qaydalara əməl olunması vəziyyətini öyrənmək və lazımi tədbirlər görmək üçün reydlər aparmışlar. Aparılmış reydlər zamanı vətəndaşlara tibbi maskadan istifadənin və sosial məsafənin saxlanılmasının vacibliyi diqqətlərinə çatdırılıb. Gün ərzində 52 ticarət obyektinə və 66 digər əhalinin daha çox müraciət etdiyi obyektlərə baxış keçirilmişdir. 2 dünyasını dəyişmiş mərhumun ailəsinə yas mərasiminin keçirilməməsi ilə əlaqədar xəbərdarlıq edilmişdir. Rayon ərazisində koronavirus infeksiyanın geniş yayılmasının qarşısının alınması məqsədilə reydlər davam etdirilir.

Koronavirus pandemiyası ilə bağlı elan olunmuş karantin rejiminin tələblərinə riayət olunması ilə əlaqədar rayon ərazisində reydlər davam etdirilmişdir. Rayonda Operativ Qərargah tərəfindən yaradılmış mobil qruplar xüsusi karantin rejimi ilə əlaqədar ictimai iaşə, ticarət və digər əhalinin daha çox müraciət etdiyi obyektlərdə müəyyən edilmiş qaydalara əməl olunması vəziyyətini öyrənmək və lazımi tədbirlər görmək üçün reydlər aparmışlar. Reydlər zamanı vətəndaşlara tibbi maskadan istifadənin və sosial məsafənin saxlanılmasının, Operativ Qərargahın müəyyən etdiyi digər tələblərə əməl olunmasının vacibliyi hər tərəfli izah edilmişdir. Bununla yanaşı 2 dünyasını dəyişmiş mərhumun ailələrinə yas mərasimlərinin keçirilməməsi ilə bağlı xəbərdarlıq olunmuşdur. Rayon ərazisində reydlər və maarifləndirmə tədbirləri ardıcıl olaraq davam etdirilir.

Qəbələ Rayon İçra Hakimiyyətinin başçısı Səbuhi Abdullayev - İnsanların sosial rifahının yüksəldilməsi və sağlamlığının qorunması Prezident İlham Əliyevin daimi diqqət mərkəzindədir

Azərbaycanın dövlət siyasətində əhalinin sosial rifahının gücləndirilməsi prioritetdir. Son zamanlar aparılan islahatlar, xüsusən koronavirus pandemiyası dövründə görülən işlər bunu bir daha əyani göstərdi. Bütün dünyanı cənginə almış koronavirus pandimeyası dövründə, qlobal əməkdaşlığa güclü ehtiyac duyulduğu şəraitdə bir çox dövlətlər, eləcə də beynəlxalq və regional institutlar çaşqınlıq və özünə qapanma içərisində qalaraq beynəlxalq həmrəyliyi nümayiş etdirə bilmədilər. Qlobal liderliyə ehtiyac duyulduğu bir şəraitdə Prezident İlham Əliyev böyük təşəbbüs irəli sürdü və “özünəqapanma sindromu”nun heç kimə xeyir gətirməyəcəyini nümayiş etdirərək dünyanın dörd bir yanından müxtəlif siyasi və ideoloji quruluşlara malik ölkələri bir araya gətirməyə nail oldu və bununla da Covid-19 virusuna qarşı apardığı qabaqlayıcı və uzaqgörən siyasəti beynəlxalq aləmdə Azərbaycana, onun prezidentinə olan etimadı və inamı bir daha artırdı. Beynəlxalq təşkilatlar tərəfindən pandemiya ilə bağlı ölkə başçısının həyata keçirdiyi tədbirlər yüksək qiymətləndirildi.İlk dəfə olaraq Koronavirusa qarşı Müdafiə Fondunun Azərbaycanda yaradılması və Prezident İlham Əliyevin bir illik əmək haqqının bu Fonda keçirilməsi ölkə əhalisi tərəfindən rəğbətlə qarşılandı və bu təcrübə qisa bir zamanda digər dövlətlər tərəfindən də həyata keçirilməyə başlanıldı. Sərhədlərin vaxtında bağlanması, ölkədə xüsusi karantin rejiminin tətbiq edilməsi, bütün daxili imkanların səfərbər edilməsi, insanların sağlamlığının qorunub saxlanılması işinə xidmət edir. Epidemiya şəraitində iqtisadi sabitliyin təmin edilməsi, əhalinin həssas qruplarına yardımlar verilməsi, məşğulluqla bağlı problemlərin həll olunması məqsədilə böyük sosial-iqtisadi dəstək paketi qəbul olundu. Qısa bir zamanda tikilib istifadəyə verilmiş iki böyük müəssisədə əhalini tam təmin edəcək qoruyucu maska və tibbi geyimlərin istehsalına başlanıldı. Bununla da ölkəmizdə dünyanı bürüyən Covid-19 pandemiyasından minimum itkilərlə çıxmasına zəmin yaradıldı. Bu gün koronavirusla mübarizə sahəsində Azərbaycanda həyata keçirilən tədbirlərə ictimai dəstək yüksək səviyyədədir. Milyon nəfərə düşən testlərin sayına görə Azərbaycan lider ölkələr siyahısındadır. Pandemiyanın davam etməsinə baxmayaraq, Prezident İlham Əliyevin qətiyyətli addımı və təşəbbüsü ilə 2020-ci il mayın 4 də Qoşulmama Hərəkatının təmas Qrupu formatında videokonfrans vasitəsilə koronavirusla mübarizəyə həsr olunmuş “Covid-19-a qarşı birlikdəyik” mövzusunda Zirvə görüşü keçirildi. Azərbaycana göstərilən hörmət və ehtiram onu göstərir ki, ölkəmiz beynəlxalq arenada böyük nüfuz qazana bilib. O, öz sözünə sadiq olduğunu bir daha sübut etdi. Bu, müxtəlif güc birliklərinin qlobal birlikdə bir araya gətirilməsinin məhz Azərbaycan Prezidentinin rəhbərliyi altında keçirilən zirvə toplantısında olması çox ciddi məqamlardan xəbər verir. Qoşulmama Hərəkatında yaradılmış Təmas Qrupu formatı üzv ölkələr tərəfindən böyük dəstək aldı. Azərbaycanın hərəkatın üzvü olan ən həssas ölkələrə təxirəsalınmaz kömək göstərilməsi üçün Ümumdünya Səhiyyə Təşkilatına 5 milyon dollar ayırması təqdirəlayiq addım oldu. Ümumdünya Səhiyyə Təşkilatının Baş direktorunun Azərbaycan Prezidentinə ünvanlanmış məktubunda Azərbaycan rəhbərliyinin həyata keçirdiyi tədbirlər yüksək qiymətləndirilmiş, Azərbaycan nümunəvi ölkə adlandırılmışdır. Həqiqətən də ölkə başçısı “Covid-19” bəlası ilə mübarizədə dünya ölkələrinə öncüllük etdi. Belə ki, mərhələli şəkildə məhdudlaşdırıcı tədbirlər tətbiq edildi və hadisələrin arxasınca getməyə yox, onları qabaqlamağa çalışaraq uğur qazanıldı. Azərbaycanda dövlət xəstəxanalarının işi operativ surətdə tamamilə yeni formatda təşkil edildi. Bu istiqamətdə görülən kompleks tədbirlər çərçivəsində 10 modul tipli xəstəxananın tikintisinin xüsusi əhəmiyyəti vardır. Belə ki, bu, arta biləcək xəstə sayına tab gətirmək üçün infeksion çarpayı fondunun artırılması baxımından müstəsna rol oynayır. Hazırda 10 modul tipli xəstəxananın quraşdırılması üzrə işlər davam etdirilir. Onlardan ikisi Bakıda digərləri isə ölkənin müxtəlif regionlarında quraşdırılır. Ölkə rəhbərinin biz qəbələlilərə göstərdiyi diqqət və qayğının nəticəsidir ki, artıq rayonumuzda 200 yerlik modul tipli xəstəxananın tikintisinə başlanılmışdır. Bu xəstəxanaların istifadəyə verilməsi sayəsində ölkəmizin səhiyyə sisteminin əlavə 2000-dən artıq çarpayı ehtiyatı yaranacaq. Əlavə olaraq bu gün 20-dən çox dövlət xəstəxanası koronaviruslu xəstələrin müalicəsi üçün ayrılıb, bu məqsədlə ölkədə 23 laboratoriya fəaliyyətə başlayıb. Milyon nəfərə düşən testlərin sayına görə Azərbaycan lider ölkələr sırasındadır. Pandemiyadan öncə və pandemiya dövründə belə, Azərbaycanda həkimlərə, tibb işçilərinə qayğı ilə yanaşılmışdır, bu gün də onların fəaliyyəti yüksək qiymətləndirilir. Müalicə prosesinin düzgün təşkilinə yönəlmiş kompleks tədbirlər sayəsində Azərbaycan bu vəziyyətdən az itkilərlə çıxa bilir. Koronovirusla mübarizə sahəsində Azərbaycanda həyata keçirilən tədbirlərə ictimai dəstək yüksək səviyyədədir. Pandemiyadan əziyyət çəkənlərə təqribən 2 milyard dollarlıq sosial-iqtisadi yardım paketi ayrılıb. Koronavirus pandemiyasının ölkəmizdə yayılmasının sürətinin qarşısının alınması, bu virusa yoluxanların müalicəsinin yüksək səviyyədə təşkili, onların tezliklə sağalması istiqamətində görülən işlər birbaşa ölkə başçısının nəzarətindədir. Virusun yayılmağa başladığı dövrdən zəruri qabaqlayıcı, profilaktik və təxirə salınmaz tədbirlər görülür. Bu gün təsadüfi deyil ki, pandemiya ilə mübarizədə Ümumdünya Səhiyyə Təşkilatının Baş direktoru Azərbaycanı digər dövlətlərə nümunə kimi göstərir. Çoxtərəfli diplomatiyanın təşviq edilməsi, Qoşulmama Hərəkatının üzv dövlətləri arasında əməkdaşlığın və həmrəyliyin gücləndirilməsi Prezident İlham Əliyev tərəfindən Azərbaycanın Qoşulmama Hərəkatında sədrliyinin prioritetlərindən biri kimi müəyyən edilib. Qeyd edək ki, Azərbaycan Respublikasının Prezidenti, Türkdilli Dövlətlərin Əməkdaşlıq Şurasının sədri İlham Əliyevin təşəbbüsü ilə bu il aprelin 10-da Türk Şurasının videokonfrans vasitəsilə fövqəladə Zirvə görüşü də keçirilib. Türk Şurası dünya miqyasında ilk beynəlxalq təşkilatdır ki, dövlət başçıları səviyyəsində koronavirus pandemiyasına həsr olunmuş Zirvə görüşünü keçirib. Qeyd olunan tədbirlər qlobal səviyyədə beynəlxalq həmrəyliyin daha da möhkəmləndirilməsi istiqamətində əhəmiyyətli töhfədir. Beləliklə, Azərbaycan nəinki milli səviyyədə COVID-19-la mübarizədə səmərəli tədbirlər görür, eyni zamanda, regional və qlobal miqyasda da koronavirusa qarşı həmrəyliyin və əməkdaşlığın gücləndirilməsinə əhəmiyyətli töhfəsini verir. Azərbaycan dövləti cəmiyyət üçün həssas olan bu pandemiya dövründə həyata keçirdiyi sosial siyasətlə bir daha öz vətəndaşının yanında olduğunu təsdiq etdi.

Ölkə Prezidentinin sərəncamı ilə Qəbələ rayon İcra Hakimiyyətinin başçısı vəzifəsinə təyin edilən Səbuhi Abdullayevin Qəbələyə gəlişindən sonra, Qəbələ əsraəngiz gözəlliyi ilə, baxanı valeh edir. Bu da Qəbələ Rayon İçra Hakimiyyətinin başçısı Səbuhi Abdullayevin rayona və onun vətəndaşlarına göstərdiyi qayğının bir nəticəsidir. Rayon rəhbərliyinin, konkret olaraq isə Qəbələ Rayon İçra Hakimiyyətinin başçısı Səbuhi Abdullayev ölkə rəhbərliyinin göstəriş və tapşırıqlarını nümunəvi şəkildə yerinə yetirməsi isə Qəbələyə inkişaf tendensiyasını daha da dönməz xarakter almasına səbəb olub.

Ölkə rəhbərinin tapşırıqlarına əsasən Qəbələ rayon ərazisində iqtisadi durumun yaxşılaşdırılması, dotasiyalardan asılılığın minimuma endirilməsi məqsədi ilə daxili imkanlardan istifadə etməklə sağlam biznes mühütünün formalaşdırılması, investisiyaların cəlb edilməsi, keçirilən tenderlərdə şəffaflığın təmin edilməsi, kiçik və orta sahibkarlığın inkişafı və əhalinin işgüzarlıq fəaliyyətinin artırılması üçün münbüt şəraitin yaradılması, kənd təsərrüfatında islahatların genişləndirilməsi, yerli infrastruktur layihələrinin icra olunması, yeni istehsal və emal müəssisələrinin açılması, məşğulluq səviyəsinin artırılması və əhalinin maddi rifahının yüksəldilməsi ilə bağlı əməli tədbirlər görülür.

Qəbələ rayonunda Azərbaycan Respublikası Prezidentinin fərman və sərəncamlarından, göstərişlərindən irəli gələn vəzifələrin icrası istiqamətində son vaxtlar daha intensiv və çevik tədbirlər həyata keçirilərək bütün neqativ hallara, o cümlədən, korrupsiya, rüşvətxorluq, süni qiymət artımı, vergidən yayınma, məmur özbaşınalığı, bir sözlə ölkədə həyata keçirilən quruculuq işlərinə kölgə salan bütün xoşagəlməz hallara qarşı məqsədyönlü tədbirlər daha da gücləndirilmiş, hüquqpozma hallarının baş verməməsi üçün profilaktiki tədbirlərin miqyası genişləndirilmişdir.
Xüsusilə də, Azərbaycan Respublikasının Prezidenti tərəfindən 2018-ci ildə başlanılmış dövlət idarəçiliyinin bütün istiqamətlərini əhatə edən hüquqi, institusional və kadr islahatlarının 2019-cu ilin sonlarına doğru daha geniş vüsət aldığı və 2020-ci ildə də intensiv şəkildə davam etdirildiyi bir şəraitdə Qəbələ rayon İcra Hakimiyyəti dövlət qulluqçularının şəffaf fəaliyyəti və vətəndaş məmnunluğunun artırılması ilə yanaşı geniş əhali qruplarını narazı salmağa yönəlmiş neqativ halların təkrarlanmaması üçün bütün qüvvələri səfərbər etmişdir. Ölkə başçısının açıq çağırışlarına və xəbərdarlıqlarına məhəl qoymayan, ifşa olunmuş yüksək vəzifəli məmurların aqibətindən nəticə çıxarmayan, aparılan islahatların mənasını dərindən dərk etməyən bəzi dövlət qulluqçularını üzə çıxarıb ifşa etmək istiqamətində təsirli tədbirlər görülmüşdür. Bir sıra rayonların icra başçılarının və onların əlaltıları olan vəzifəli şəxslərinin, Mədəniyyət Nazirliyinin yüksək çinli məmurlarının öz səlahiyyətlərindən qəsdən qulluq mənafeyinə zidd olaraq istifadə edib cəmiyyətin və dövlətin qanunla qorunan mənafeylərinə zərər vurmaları və belə üzdəniraq vəzifə sahiblərinin həbs olunmaları hiddətlə qarşılanaraq ən kəskin tərzdə etirazlar yaratmışdır.
Qəbələ rayon İcra Hakimiyyəti tabeliyində olan ərazi icra nümayəndəliklərində və təşkilatlarda belə xoşagəlməz halların baş verməməsi üçün ötən 3 ay müddətində ciddi maarifləndirmə və qabaqlayıcı tədbirlər həyata keçirmiş, 2019-cu ilin yekunlarına dair 2020-ci ilin fevral ayında keçirilən hesabat yığıncağında ölkədə həyata keçirilən quruculuq işlərinə kölgə salan belə neqativ halların qətiyyətlə pislənilərək Azərbaycan Prezidentinin bu istiqamətdə qətiyyətli siyasətinə rayon ictimaiyyətinin elliklə dəstəyi nümayiş etdirilmişdir.
Ölkə başçısının tapşırıqlarına uyğun olaraq işsiz və aztəminatlı vətəndaşlar üçün həyata keçirilən güclü sosial müdafiə tədbirlərinə uyğun olaraq Qəbələ rayonunda ictimai işlərə imkansız və işsiz vətəndaşların cəlb olunması, vətəndaşlara pensiya və sosial müavinətlərin təyin olunması, əmək qabiliyyətini itirmiş şəxslər barədə əlilliyin müəyyən edilməsi, müxtəlif təyinatlı yardımlara ehtiyacı olan ailələrin müəyyən edilərək dəstəklənməsi sayəsində aidiyyəti qurum rəhbərlərinə, ərazi icra nümayəndəliklərinə ciddi tapşırıqlar verilmiş və nəzarəti təmin etmək üçün şəlahiyyətli şəxslərdən ibarət tərkibdə komissiyalar yaradılaraq fəaliyyəti tənzimlənmişdir. Bu komissiyaların gördüyü işlər müntəzəm dinlənilmiş, hesabatlar müzakirə olunmuş, yol verilmiş nöqsanların aradan qaldırılması üçün müntəzəm olaraq, xüsusən karantin rejimi dövründə onlayın selektr müşavirələr keçirilmiş, eyni zamanda izahat işləri aparılmışdır. Aprel 2020-ci il tarixdə 200 nəfərdən artıq işaxtaran vətəndaşın ictimai işlərə cəlb olunması, müxtəlif xətlərlə 3000 nəfərə yaxın imkansız və güzəştli qrupdan olan ailəyə yardımların verilməsində şəffaflıq, ünvanlılıq, hər bir payın öz sahibinə çatdırılması təmin olunmuşdur.

Бесплатные шаблоны для 10.5Forex Портал для чайников