Fikrət Qocanın qardaşı oğlu Azər Qoca Ağdaş rayonu 90 sayılı seçki dairəsindən millət vəkilliyinə namizədliyini irəli sürmüşdür. Azər Qoca tanınmış yazıcı-tərcüməçi Fransa Mədəniyyət Nazirliyinin “İncəsənət və ədəbiyyat Komandoru” ordeni və fəxri adı laureatı Hamlet Qocanın oğludur.
Qocayev Azər Hamlet oğlu 8 noyabır 1975-ci ildə Bakı şəhərində anadan olmuşdur. 1992-ci ildə Xətai rayonu 95 sayılı orta məktəbi bitirmiş, elə həmin il Türkiyənin İstanbul Universitetinin fransız dili və ədəbiyyatı fakultəsinə qəbul olunmuşdur. 1994-cü ildə universitetin tarix fakültəsinə kecmiş, təhsilini tarixşünaslıq üzrə davam etdirmiş, 1999-cu ildə İstanbul Universitetində təhsilini bitirdikdən sonra Bakıda Naxcıvan universitetinde magistraturaya daxil olmuş, bir il oxuduqdan sonra maddi sıxıntı ucundan təhsilini yarımçıq qoymaq məcburiyyətində qalmışdır. 2000-ci ildə “Aksesuar-İnşaat” mağazasında satıcı olaraq iş fəaliyyətinə başlamışdır. 2002-2003-cü illərdə “Qidromaşservis QSC-İspaniolla” mağazasının xarici əlaqələr müdiri, daha sonra mağazanın müdiri işləmişdir. 2003-2006-cı illərde sərbəst fəaliyyətlə “Qoca İnsaat” adlı qurum rəhbəri kimi Avropa ölkələrindən tanınmış brendlərin idxalı, dizayn-interyer işləri üzrə çalışmış, 2009-2011-ci illərdə dünya brendi olan İtaliya (Vicenza) Giemme Stile SPA “Francesco Molon” şirkətinin Azərbaycan nümayəndəsi kimi çalışmışdır.
Hazırda “Zebrano Azərbaycan” şirkətində layihə müdiri vəzifəsində fəaliyyət göstərir.
Yaradıcılıqla məşğuldur, onun stilistika və dizayn sahəsində gördüyü işlərin “AZƏR QOCA DİZAYN STUDİYA” brendi italyan və klassik üslublu dizaynın maraqdoğuran nümunələri kimi ölkəmizin xaricində də tanınır.
Azər Qoca Azərbaycanda orijinal fəaliyyət layihələrinin ideya rəhbəri olmuşdur və bununla əlaqədar Azərbaycanın digər regionlarında yeni iş yerlərinin açılmasına xidmət göstərmiş bir şəxsiyyət kimi də tanınır:
Ucar şəhərində “Zeva İnşaat” adlı 1300m2-lik sahəsi olan inşaat materialları magazasının qurulması və iş sisteminin təşkili və inkişafı,
Göyçay şəhəri “Region Store” adlı 1600 m2-lik sahəyə malik hiper inşaat marketinin dizayn və yerləşim planı lahiyəsi,
Bərdə şəhəri “Rekord İnşaat” 800 m2 sahəli müasir tipli inşaat magazasının hazırlanması və fəaliyyəti,
Ağcabədi şəhəri “Çörək və un məmulatları zavodu”nun hazırlanması və fəaliyyəti,
Agcabədi şəhəri “Zahidoğlu inşaat” inşaat magazasının hazırlanması və fəaliyyəti,
Gəncə şəhəri 3000m2-lik sahəsi olan “RODS mebel” mağazasının layihə hazırlığı və iş fəaliyyəti, bu sıradan bir çox digər layihələrin hazırlanması, bununla əlaqədar olaraq regionlarda inkişaf planının inkişafında uğurlu addımlar Azər Qocanın yaradıcılıq fəaliyyətində əhəmiyyətli mövqeyə malikdir.
Ailəlidir, 4 övladı var.
