Haxverdiyev Mahir Camal oğlu qardaş Türkiyə Respublikasından olan tanınmış cərrah Giray Aynalıya, övladını cərrahiyyə əməliyyat edib həyata qaytardığına görə, şəxsən öz adından, bütövlükdə ailə üzvlərinin adından minnətdarlıq edir. Sözsüz ki, belə bir sevinc hissini Haxverdiyevlər ailəsinə yaşamağa Giray Aynalının şəfa verən əlləri və bu şəxsin öz üzərinə düşən həkimlik peşəsinə mükəmməl yiyələnməsi səbəb olur. Bəli, illər keçəcək Mahir Haxverdiyevin övladı bir daha müəyyən yaş həddinə çatacaq və o halda onu sağaldıb həyata qaytaran, şəfalı əlləri ilə ona yeni bir həyat bəxş edən Giray Aynalıya, ürəyindən keçən ən ülvi istəklərini çatdıracaq, sonsuz məhəbbətini dönə-dönə ifadə edəcək. Düşünürük ki, atdığı addımları ilə bir övladın yaşamasına səbəb olan, onun valideyinlərinin, yaxınlarının, bütün əzizlərinin sevgisini qazanan Giray Aynalının ən böyük qazancı, məhz ona qarşı belə bir rəğbət hissinin ifadə olunmasıdır. Bəli, həkimlik peşəsi olduqca məsuliyyətli və peşəkarlığı sevən bir sahədir.
Məhz, bugünə kimi öz peşəkarlığı ilə xüsusi ad-san qazanan, neçə-neçə ailənin sevincinə səbəb olan, küsmüş qəlblərə sevinc hissi yaşadan Giray Aynalının adı, inanırıq ki, bundan sonra da hörmətlə-izzətlə çəkiləcək. Düşünürük ki, belə bir əməl sahibinə qarşı minnətdarlıq etməyi özü və ailə üzvləri üçün mənəvi borc bilən Mahir Haxverdiyevin rəğbət hissi, bundan sonra daha da artacaq.
