Ermənistanın işğal bölgəsindəki ordusu növbəti dəfə itki verib.
Musavat.com bununla bağlı erməni mediasına istinadən xəbər verir. Məlumata görə, 20 yaşlı erməni hərbçi məhv edilib.
Qeyd edilir ki, iyunun 13-də, saat 17.05 radələrində 1999-cu il təvəllüdlü Artem Vazgenoviç Xaçatryan ölümcül güllə yarası alıb.
Qeyd edək ki, son günlər sosial şəbəkələrdə Azərbaycana qarşı təxribat törətmək istəyən üç erməni hərbçinin məhv edildiyi xəbəri yayılmışdı.
Hətta bunu təsdiqləyən videokadrların da olduğu bildirilir. Güman olunur ki, işğalçı tərəf xalqın narazılığının qarşısını almaqdan ötrü itkiləri gizlədir.
