Kırıkkaledə 16 yaşlı qızını 8 yerindən bıçaqlayan ata, daha sonra onu su dolu ləyəndə boğaraq öldürdüyü iddia edilib. Şübhəli ata həbs edilib
Kırıkkaledə internat məktəbində aşbazlıq edən 45 yaşlı Sinan Türkoğlu, bir müddət əvvəl nişanlısına qaçdıqdan sonra evə dönən 16 yaşlı qızı Beyza ilə mübahisədən sonra sinir böhranı keçirib, çörək bıçağını onun bədəninin müxtəlif yerlərinə batırıb. Gözü dönən ata, qızının ölmədiyini görüncə hamam otağındakı ləyənə su doldurub, başını içinə soxub boğaraq öldürüb. Qorxunc cinayət, Kırıkkalenin Etiler məhəlləsində bu səhər baş verb. Qızı Beyzanın bir müddət əvvəl qaçdığı nişanlısından bu səhər evə dönməsi üzərinə əsəbiləşən ata Sinan Türkoğlu, qızı ilə mübahisə edib. Ata Sinan Türkoğlu, iddiaya görə, mübahisə əsnasında əlinə keçirdiyi bıçaqla qızını bədəninin müxtəlif yerlərindən bıçaqlayıb. Daha sonra içinə su doldurduğu ləyənə başını soxub, bir müddət yatırdıqdan sonra boğaraq öldürüb. Böyük oğlu evdə olmayan və yoldaşının gözləri qarşısında qızını bıçaqladıqdan sonra boğaraq öldürdüyünü etiraf edən ata Sinan Türkoğlu, polisə zəng edərək, "Qızımı öldürdüm, gəlin, mən təslim oluram" deyərək xəbər verib. Hadisə yerinə gələn sağlamlıq qrupları, Beyzanın öldüyünü təyin edib. Evdə aparılan araşdırmanın ardından cəsəd morqa aparılıb. Hadisənin ardından evə gələn polisin nəzarətə aldığı Sinan Türkoğlu, ilk ifadəsində namusu üçün qızını öldürdüyünü söyləyib.
