Yeni Zelandiyanın Krist Çerç şəhərində iki məscidə hücum edilib.
Silahlı hücum cümə namazından sonra təşkil edilib. İlkin məlumatlara görə, hücum zamanı 40 nəfər həlak olub, 48 nəfər isə yaralanıb. Hücumçu baş verənləri sosial şəbəkədən canlı yayımlayıb.
Əl Nur məscidində hücum vaxtı 200 nəfər olub. Silah səsləri eyni zamanda Linvud məhəlləsindəki məsciddə də eşidilib. Yeni Zelandiya polisi məsələ ilə bağlı açıqlama verib:
“Ciddi və təhlükəli vəziyyətdir. Polis əlindən gələn hər şeyi edir. Amma risk hələ də yüksəkdir. Sözügedən şəhər sakinləri küçələrdən uzaqlaşsınlar və növbəti xəbərdarlığa qədər gözləsinlər. Məktəblər də bağlanacaq”.
