Ermənistanda Yerevan birinci instansiya məhkəməsi sabiq prezident Robert Koçaryanı girov müqabilində azadlığa buraxmaqdan imtina edərək həbs müddətini iki ay da uzadıb.
Trend-in erməni KİV-lərinə istinadən məlumatına görə, bunu məhkəmə prosesində iştirak etmiş prokuror Vaan Muradyan deyib.
Onun sözlərinə görə, məhkəmə R.Koçaryanın vəkillərinin vəsatətini təmin etməyib.
Qeyd edək ki, R.Koçaryan dövlət quruluşunu devirmək cəhdində ittiham olunaraq ötən ilin iyulunda həbs olunmuşdu. Apellyasiya məhkəməsi onu azad etsə də, Ali məhkəmənin tələbi ilə işə yenidən baxılıb.
