Rusiya prezidenti Vladimir Putin Ukrayna ərazisindən Avropaya qazın tranzit nəqlinin davam etdirilə biləcəyini bəyan edib.
Oxu.Az xəbər verir ki, bu barədə “RİA Novosti” məlumat yayıb.
“Biz nəinki iki “Şimal axını”nı, nəinki “Türk axını”nı doldura biləcəyik, Avropaya belə ixrac həcmi fonunda Ukrayna vasitəsi ilə də tranzitin saxlanılması imkanları qalmaqdadır”, – deyə o vurğulayıb.
Putin həmçinin qeyd edib ki, “Şimal axını-2” qaz kəməri layihəsi “Türk axını” layihəsinin reallaşmasına mane olmur.
