Ağstafada 5 yaşlı uşaq şirin ləhcəsi, məzəli və gülməli danışığı ilə sosial şəbəkələrin ulduzuna çevrilib.
Söhbət Ağstafa rayonunun Aşağı Kəsəmən kəndində yaşayan 5 yaşlı Müseyib Nəsiblidən gedir. Son zamanlar sosial şəbəkə və müxtəlif video portallarda ən çox izlənmə rekordu qıran videolardan biri də 5 yaşlı Müseybin videolarıdır.
Onun şirin ləhcəsi və danışığını görənlər balacanı çəkib, sosial şəbəkəyə yerləşdirirlər.
Müseyib çəkiliş qrupumuzla zarafat etməyi də unutmayıb.
Sosial şəbəkələrdə məşhurlaşan azyaşlını görənlər onunla şəkil və müxtəlif videolar da çəkirlər. Həmçinin kənddə toy məclislərində ona xüsusi yer ayrılır. Bundan əlavə, onun ailəsinə müxtəlif film, vayn və gülməli səhnələrdə çəkiliş üçün təkliflər də gəlib.
Müseyibin ailə üzvləri ondakı bu bacarığı incəsənət sahəsində davam etdirmək istəyir. Balaca məşhuru gələcəyin tanınan aktyoru kimi görmək ailənin ən böyük arzularından biridir. (Xəzər TV)
