Ermənistanın sərhədyanı Tavus vilayətinin əhalisi 17 il ərzində orta hesabla 10 kənd sayı qədər azalıb.
Ordu.az xəbər verir ki, bu barədə Ermənistanın milli statistika xidmətinin yaydığı məlumatda bildirilib.
Belə ki, 2001-ci il əhalinin siyahıya alınmasına əsasən, Tavus vilayətinin daimi əhalisi 134.366 nəfər təşkil edib. 1 yanvar 2018-ci il vəziyyətinə görə, Tavus bölgəsinin daimi əhalisi 123 min 400 nəfər təşkil edib. Lakin 1 yanvar 2018-ci il vəziyyətinə görə, Tavus bölgəsinin daimi əhalisi 124 min 500 nəfər təşkil edib.
Bir il ərzində vilayətin əhalisi 1100, 17 il ərzində isə 10,976 nəfər azalıb. 2017-ci ildə Tavuş vilayətində 1376 doğum, 1343 ölüm qeydə alınıb. 2016-cı ildə isə 1418 doğum, 1394 ölüm qeydə alınıb.
2016-cı ildə Tavuşda 648 nikah, 70 boşanma, 2017-ci ildə isə 534 nikah və 103 boşanma qeydə alınıb. 2016-cı ilə nisbətdə bölgədə nikah azalıb, boşanma sayı artıb.
