Gürcüstanın sabiq prezidenti, Odessa vilayətinin eks-qubernatoru Mixeil Saakaşvili Ukraynaya qayıdacağını bildirib.
AZTB.info “Ria Novosti”yə istinadən xəbər verir ki, o, bunun üçün bir yol tapacağını vurğulayıb.
Saakaşvili bu sözləri Ukraynanın ZIK televiziyasının efirində səsləndirib. O, bildirib ki, Ukraynaya qayıtmaq üçün “qanuni yol” tapacaq.
Xatırladaq ki, ötən gün Saakaşvili Ukrayna Dövlət Sərhəd Xidməti tərəfindən Polşaya təhvil verilmişdi. Polşa Sərhəd Xidməti isə onun Varşavaya gəlişini təsdiqləmişdi.
